കൊല്ലം ജില്ലയിലെ പാലത്തറയിൽ സ്ഥിതിചെയ്യുന്ന ഒരു സഹകരണ ആശുപത്രിയാണ് എൻ.എസ്. മെമ്മോറിയൽ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ്. ദക്ഷിണ കേരളത്തിലെ ആദ്യത്തെ കോപ്പറേറ്റീവ് മൾട്ടി സൂപ്പർ സ്പെഷ്യാലിറ്റി ആശുപത്രിയാണിത്. 1985-ൽ അന്തരിച്ച കമ്മ്യൂണിസ്റ്റ് പാർട്ടി പ്രവർത്തകൻ എൻ. ശ്രീധരനോടുള്ള സ്മരണാർത്ഥം 2000-ത്തിൽ സ്ഥാപിച്ചതാണ് ഈ ആശുപത്രി. 2006-ൽ കമ്മ്യൂണിസ്റ്റ് പാർട്ടി ജനറൽ സെക്രട്ടറി പ്രകാശ് കാരാട്ട് ഉദ്ഘാടനം ചെയ്ത ശേഷമാണ് ആശുപത്രിയുടെ പൂർണ്ണതോതിലുള്ള പ്രവർത്തനം ആരംഭിച്ചത്. ഇവിടെ 13 ഡിപ്പാർട്ട്മെന്റുകളിലായി നാൽപതോളം ഡോക്ടർമാരുടെയും 250-ലധികം മെഡിക്കൽ സ്റ്റാഫുകളുടെയും സേവനം ലഭ്യമാണ്.